უკეთესი ქალაქისათვის გარემოსათვის მომავლისათვის

პარკირების მართვის პლათფორმა:
თანამედროვე ქალაქების ერთ-ერთ მნიშვნელოვან პრობლემას წარმოადგენს ავტომობილების მზარდი რაოდენობა, რაც, გამონაბოლქვის გარდა, პრობლემას ქმნის პარკირების თვალსაზრისითაც. კვლევებმა აჩვენა, რომ საცობების 30-35% ქალაქებში გამოწვეულია არასწორი ან თავისუფალი პარკირების ადგილის ძებნის დროს ავტომობილების მიერ შექმნილი შეფერხებით. პრობლემის მოგვარება შესაძლებელია პარკირების ადგილების გაზრდით ან არსებული ადგილების ოპტიმიზირებით, რისთვისაც აუცილებელია ანალიტიკური მონაცემების მოგროვება და დამუშავება. აპნისის „ჭკვიანი პარკირების“ სისტემა წარმოადგენს პლათფორმას, რომელიც საშუალებითაც ქალაქის მუნიციპალიტეტებს შეუძლიათ:

1. მოახდინონ პარკირების ადგილების ოპტიმიზირება
2. სერვისების მონეტიზირება მოქნილი სატარიფო სისტემით
3. პარკირების ქსელის გაფართოება ანალიტიკურ მონაცემებზე დაყრდნობით

საყოფაცხოვრებო ნარჩენების მართვის პლათფორმა:
ტრადიციულად, საყოფაცხოვრებო ნარჩენების მოგროვება ნაგვის ურნებიდან მუნიციპალური სამსახურების მიერ ხორციელდება ყოველდღიურად ფიქსირებული დროის შუალედში, რაც, გარდა იმისა, რომ იწვევს ხარჯების არაეფექტურობას, ასევე, ქმნის ქალაქში საავტომობილო ტრანსპორტის შეფერხებებს. აპნისის ნარჩენების მართვის პლათფორმა წარმოადგენს, რადიო სენსორებით აღჭურვილი ნაგვის ურნების ქსელს, რომელიც რეალურ რეჟიმში გადასცემს ცენტრალური მონიტორინგისა და ანალიტიკის ცენტრს თითოეული ნაგვის ურნის უტილიზაციის მონაცემებს, რაც საშუალებას იძლევა ოპტიმალურად, ავტომატურ რეჟიმში, დაიგეგმოს ნარჩენების მოგროვების მარშუტი და დრო.

კლიმატის ცვლილება, ჰაერის, წყლის დაბინძურება ერთ-ერთი უმნიშვნელოვანესი გამოწვევაა თანამედროვე საზოგადოებისათვის. სათანადო ბალანსის პოვნა ეკონომიკურ საქმიანობასა და ბუნების დაცვასთან საკმაოდ რთულია დეტალური ინფორმაციის გარეშე, შესაბამისად, პრობლემა გაცილებით საგანგაშო შეიძლება იყოს, ვიდრე ეს შეუიარაღებელი თვალით ჩანს. აქედან გამომდინარე, დაბინძურების პარამეტრების უწყვეტ რეჟიმში გაზომვა, კონტროლი და მართვა უმნიშვნელოვანესი პროცესებია გარემოს დაბინძურების შესამცირებლად და აღმოსაფხვრელად. აპნისის ტელემეტრიული რადიოქსელის საშუალებით შესაძლებელია როგორც ურბანული, ასევე სასოფლო გარემოს სხვადასხვა მნიშვნელოვანი პარამეტრების რეალურად მოგროვება და დამუშავება:

1. მდინარეების, ტბების, წყალსაცავების დაბინძურების ავტომატური მონიტორინგი
2. მიწის ტენიანობის, მზის ინტენსივობის, ქარის სიმძლავრის და მიმართულების მონიტორინგი, გაუდაბნოების პროცესების აღსარიცხავად და შესაბამისი ავტომატური საირიგაციო სისტემების შესაქმნელად
3. ჰაერის დაბინძურების მონიტორინგი რეალურ რეჟიმში
4. ამინდის სადგურების ერთიანი, ცენტრალიზებული ავტომატიზირებული ქსელის აგება

ურბანული ზონების დაბინძურების კონტროლი:
ავტომობილისა და სხვა ინდუსტრიული გამონაბოლქვები, სხვადასხვა სახის ხელოვნური ხმაური ნეგატიურად მოქმედებს ქალაქის მოსახლეობის ჯანმრთელობაზე. ამ სახის დაბინძურების წინააღმდეგ საბრძოლველად აუცილებელია ხმაურის და ჰაერის დაბინძურების პარამეტრების მუდმივად მოგროვება და ანალიზი. ჩვენი გადაწყვეტილება საშუალებას იძლევა მუდმივ რეჟიმში დაბინძურების მაჩვენებლის მოგროვებას და ინტერაქტიულ რუკაზე მათ ასახვას. პარალელურად შესაძლებელია რადიაციული ფონის, კლიმატური მაჩვენებლების (ტენიანობა, ტემპერატურა, ქარი, და ა.შ) მონიტორინგი.

სოფლის მეურნეობა წარმოადგენს სტრატეგიულ დარგს ნებისმიერი ქვეყნის ეკონომიკის განვითარებისთვის. ამ დარგის მიერ შეტანილი წვლილი განვითრებული ქვეყნების ეკონომიკის მშენებლობაში არის უმნიშვნელოვანესი. შესაბამისად, ძლიერი და ეფექტური სოფლის მეურნეობის განვითარება პრიორიტეტულია საქართველოს ეკონომიკისათვის. სასოფლო-სამეურნეო რესურსების მასქიმალურად ეფექტური გამოყენება და სარგებლის მიღება ხარჯების შემცირების პარალელურად, შეუძლებელია თანამედროვე ციფრული მიკროელექტრონიკული სენსორების და პროცესების ავტომატიზების გარეშე.
აპნისის ქსელი საშუალებას აძლევს სასოფლო-სამეურნეო სექტორს მოახდინოს არსებული საქმიანობის სწრაფი ტრანსფორმირება , ავტომატიზება და მართვის ცენტრალიზება.

1. ავტომატური ირიგაცია, საირიგაციო სისტემების ინტერნეტიდან მართვა
2. სათბურების მიკროკლიმატის ავტომატიზება და ინტერნეტიდან მართვა
3. მევენახეობა, მებაღეობის პროცესების ავტომატიზება
4. მეფუტკრეობის ავტომატიზება
5. და სხვა

ჩვენს ქსელში შესაძლებელია ჩართოთ ნებისმიერი სახის სენსორული და ტელემეტრიული მოწყობილობა ცენტრალური მართვისა და კონტროლის შესასრულებლად. აპნისის ქსელის საშუალებით შეგეძლებათ საკუთარი კომპიუტერიდან, პლანშეტიდან ან თუნდაც ტელეფონიდან მუდმივად აკონტროლოთ და მართოთ თქვენი ბიზნესი მსოფლიოს ნებისმიერი წერტილიდან.